Home KERALA വട്ടിയൂര്‍ക്കാവില്‍ വീണ.എസ്. നായര്‍, വിഷ്ണുനാഥ് കുണ്ടറയില്‍ ടി.സിദ്ദിഖ് കല്‍പ്പറ്റയില്‍; അഞ്ചിടത്ത് കോണ്‍ഗ്രസ് സ്ഥാനാര്‍ഥികളായി; പട്ടാമ്പിയിലും ധര്‍മടത്തും...

വട്ടിയൂര്‍ക്കാവില്‍ വീണ.എസ്. നായര്‍, വിഷ്ണുനാഥ് കുണ്ടറയില്‍ ടി.സിദ്ദിഖ് കല്‍പ്പറ്റയില്‍; അഞ്ചിടത്ത് കോണ്‍ഗ്രസ് സ്ഥാനാര്‍ഥികളായി; പട്ടാമ്പിയിലും ധര്‍മടത്തും സ്ഥാനാര്‍ഥികളായില്ല

തിരുവനന്തപുരം :  നിയമസഭാ തിരഞ്ഞെടുപ്പില്‍ ബാക്കിയുള്ള 7 സീറ്റുകളില്‍ അഞ്ചിടത്തെ സ്ഥാനാര്‍ഥി നിര്‍ണയം പൂര്‍ത്തിയാക്കി കോണ്‍ഗ്രസ്. വട്ടിയൂര്‍ക്കാവില്‍ വീണ എസ്.നായര്‍ മത്സരിക്കും. പി.സി.വിഷ്ണുനാഥ് (കുണ്ടറ), ടി.സിദ്ദിഖ് (കല്‍പറ്റ), വി.വി.പ്രകാശ് (നിലമ്പൂര്‍), ഫിറോസ് കുന്നംപറമ്പില്‍ (തവനൂര്‍) എന്നിവരാണു മറ്റു സ്ഥാനാര്‍ഥികള്‍.

പ്രഖ്യാപനം ഉടനുണ്ടാകും. ഇരിക്കൂറില്‍ സജീവ് ജോസഫ് തന്നെ മത്സരിക്കും. പട്ടാമ്പി, ധര്‍മടം എന്നിവിടങ്ങളിലെ സ്ഥാനാര്‍ഥികളെ സംബന്ധിച്ച് തീരുമാനമായില്ല.

ധര്‍മടത്ത് മുഖ്യമന്ത്രി പിണറായി വിജയനെതിരെ വാളയാര്‍ പെണ്‍കുട്ടികളുടെ അമ്മ സ്വതന്ത്രയായി മത്സരിക്കുന്ന സാഹചര്യത്തില്‍ അവരെ യുഡിഎഫ് പിന്തുണയ്ക്കുന്ന കാര്യം ആലോചിക്കും. യുഡിഎഫ് പിന്തുണ സ്വീകരിക്കുമെന്ന് വാളയാര്‍ പെണ്‍കുട്ടികളുടെ അമ്മ അറിയിച്ചു.

LEAVE A REPLY

Please enter your comment!
Please enter your name here