Home Sports പാരാലിമ്പിക്‌സില്‍ ഇന്ത്യയ്ക്ക് എട്ടാം മെഡല്‍ ; സിങ്‌രാജ് അധാനയ്ക്ക് വെങ്കലം

പാരാലിമ്പിക്‌സില്‍ ഇന്ത്യയ്ക്ക് എട്ടാം മെഡല്‍ ; സിങ്‌രാജ് അധാനയ്ക്ക് വെങ്കലം

പാരാലിമ്പിക്സിൽ ഇന്ത്യയ്ക്ക് എട്ടാം മെഡൽ. പുരുഷൻമാരുടെ (പി1) 10 മീറ്റർ എയർ പിസ്റ്റൾ എസ്എച്ച് 1 വിഭാഗത്തിൽ ഇന്ത്യയുടെ ഷൂട്ടർ സിങ് രാജ് അധാന വെങ്കല മെഡൽ സ്വന്തമാക്കി.ടോക്യോ പാരാലിമ്പിക്സ് ഷൂട്ടിങ്ങിൽ ഇന്ത്യയുടെ രണ്ടാംമെഡലാണിത്.

216.8 പോയന്റുകളുമായാണ് സിങ് രാജിന്റെ നേട്ടം. യോഗ്യതാ റൗണ്ടിൽ ആറാമനായാണ് താരം ഫൈനലിന് യോഗ്യത നേടിയത്.

ഈ വിഭാഗത്തിൽ ചൈന ആധിപത്യം തുടർന്നു. പാരാലിമ്പിക് റെക്കോഡോടെ നിലവിലെ ചാമ്പ്യൻ ചൈനയുടെ ചാവോ യാങ് (237.9) സ്വർണം നേടിയപ്പോൾ ചൈനയുടെ തന്നെ ഹുവാങ് സിങ് (237.5) വെള്ളി മെഡൽ സ്വന്തമാക്കി.

അതേസമയം യോഗ്യതാ റൗണ്ടിൽ 135.8 പോയന്റുമായി ഒന്നാം സ്ഥാനക്കാരനായ ഇന്ത്യയുടെ മനീഷ് നർവാൾ പക്ഷേ ഫൈനലിൽ നിരാശപ്പെടുത്തി.

ടോക്യോ പാരാലിമ്പിക്സിൽ ഇതോടെ ഇന്ത്യയുടെ മെഡൽ നേട്ടം എട്ടായി. 2016-ൽ റിയോയിൽ നേടിയതിന്റെ ഇരട്ടി മെഡൽ നേട്ടം.

LEAVE A REPLY

Please enter your comment!
Please enter your name here