Home KERALA കോവിഡ് പ്രതിരോധം: കേന്ദ്രത്തിന്റെ നിര്‍ദേശങ്ങൾ സംസ്ഥാനം അംഗീകരിക്കുമെന്ന് മുഖ്യമന്ത്രി

കോവിഡ് പ്രതിരോധം: കേന്ദ്രത്തിന്റെ നിര്‍ദേശങ്ങൾ സംസ്ഥാനം അംഗീകരിക്കുമെന്ന് മുഖ്യമന്ത്രി

തിരുവനന്തപുരം:  കോവിഡ് പ്രതിരോധത്തിനായി കേന്ദ്രം നിര്‍ദ്ദേശിക്കുന്ന എല്ലാ നിയന്ത്രണങ്ങളും സംസ്ഥാനം അംഗീകരിക്കുമെന്ന് മുഖ്യമന്ത്രി പിണറായി വിജയന്‍.  പ്രധാനമന്ത്രി മുഖ്യമന്ത്രിമാരുമായി നടത്തിയ വീഡിയോ കോണ്‍ഫറന്‍സ് ചര്‍ച്ചയില്‍ പങ്കെടുത്തുവെന്നും അദ്ദേഹം വാര്‍ത്താ സമ്മേളനത്തില്‍ അറിയിച്ചു.

രാജ്യത്തെ കോവിഡ് പ്രതിരോധവുമായി ബന്ധപ്പെട്ട വിശദമായ ചര്‍ച്ചയാണ് നടന്നത്. കേരളത്തിന്റെ ആവശ്യങ്ങള്‍ പ്രധാനമന്ത്രിക്ക് മുന്നില്‍ അറിയിച്ചു. ഇനിയുള്ള ആഴ്ചകള്‍ കോവിഡ് പ്രതിരോധത്തിന് നിര്‍ണായകമാണെന്ന് പ്രധാനമനമന്ത്രി അഭിപ്രായപ്പെട്ടുവെന്ന് മുഖ്യമന്ത്രി പറഞ്ഞു.

കോവിഡ് 19 ഭീഷണി തുടരുകയാണ്. ലോക്ക് ഡൗണിന് മുമ്പുള്ള അവസ്ഥയിലേക്ക് തിരിച്ചുപോകാനായിട്ടില്ലെന്ന് പ്രധാനമന്ത്രിയെ അറിയിച്ചു. തികഞ്ഞ ജാഗ്രതയോടെ ഓരോ ഘട്ടത്തിലേയും വിവരങ്ങള്‍ സസൂഷ്മം വിലയിരുത്തി പടിപടിയായി മാത്രമേ ലോക്ക് ഡൗണ്‍ ഒഴിവാക്കാന്‍ പാടുള്ളു. ജനങ്ങളുടെ സഞ്ചാരം അനിയന്ത്രിതമായാല്‍ അത് സമൂഹ വ്യാപനത്തിലേക്ക് നയിക്കും. കേരളം പോലെ ജനസാന്ദ്രത കൂടിയ സംസ്ഥാനങ്ങളില്‍ സ്ഥിതി ഗുരുതരമാകാന്‍ അത് കാരണമാകുമെന്നും ഇക്കാര്യം പ്രധാനമന്ത്രിയെ അറിയിച്ചതായും മുഖ്യമന്ത്രി പറഞ്ഞു. സ്ഥലങ്ങളില്‍ സാമൂഹിക അകലം പാലിക്കുമെന്ന് ഉറപ്പുരുത്തി സംസ്ഥാന സര്‍ക്കാരുകള്‍ അനുമതി നല്‍കുന്ന കാര്യങ്ങള്‍ ചെയ്യാന്‍ സാധിക്കണമെന്നും പ്രധാനമന്ത്രിയെ അറിയിച്ചിട്ടുണ്ട്.

ഇതിനൊപ്പം സംസ്ഥാനത്തുള്ള അതിഥി തൊഴിലാളികള്‍ക്ക് നാട്ടിലേക്ക് പോകാന്‍ പ്രത്യേക നോണ്‍സ്‌റ്റോപ്പ് ട്രെയിന്‍ അനുവദിക്കണമെന്നും ആവശ്യപ്പെട്ടു. വരുമാനം ഇല്ലാതെ കഷ്ടപ്പെടുന്ന ഇവര്‍ത്ത് മൂന്നുമാസത്തേക്ക് സാമ്പത്തിക സഹായം നല്‍കണമെന്നും പ്രധാനമന്ത്രിയോട് ആവശ്യപ്പെട്ടതായി മുഖ്യമന്ത്രി വാര്‍ത്താ സമ്മേളനത്തില്‍ അറിയിച്ചു.

LEAVE A REPLY

Please enter your comment!
Please enter your name here