Home NATIONAL ഗൗതം ഗംഭീറിന് ഐ.എസ് വധഭീഷണി

ഗൗതം ഗംഭീറിന് ഐ.എസ് വധഭീഷണി

ബി.ജെ.പി എം.പിയും മുന്‍ ക്രിക്കറ്റ്‌ താരവുമായ ഗൗതം ഗംഭീറിന് ഐ.എസ് വധഭീഷണി. ഭീക്ഷണിയെ തുടര്‍ന്ന് ഗൗതം ഗംഭീറിന്‍റെ വീടിന് പൊലീസ് സുരക്ഷ ഏര്‍പ്പെടുത്തി. ചൊവ്വാഴ്ച രാത്രി ഗംഭീറിന്‍റെ ഔദ്യോഗിക മെയില്‍ ഐഡിയിലേക്കാണ് ഭീഷണിസന്ദേശം അയച്ചിരിക്കുന്നത്. ഇതിന്‍റെ പശ്ചാത്തലത്തില്‍ മതിയായ സുരക്ഷ വേണമെന്ന് അദ്ദേഹം ആവശ്യപ്പെട്ടു. സംഭവത്തില്‍ അന്വേഷണം പുരോഗമിക്കുകയാണെന്ന് സെന്‍ട്രല്‍ ഡി.സി.പി ശ്വേത ചൗഹാന്‍ അറിയിച്ചു. മുൻപ് 2019ലും ഗംഭീറിന് വധഭീഷണി സന്ദേശം ലഭിച്ചിട്ടുണ്ട്. തനിക്ക് ഫോണിലൂടെ വധഭീഷണികള്‍ വരുന്നുണ്ടെന്നും സംരക്ഷണം ഏര്‍പ്പെടുത്തണമെന്നും ഗംഭീര്‍ അന്നും ആവശ്യപ്പെട്ടിരുന്നു. തനിക്കും കുടുംബത്തിനും ലഭിച്ച വധഭീഷണിയെക്കുറിച്ച്‌ ഷാഹ്ദാര ഡെപ്യൂട്ടി കമ്മീഷണര്‍ക്കും മറ്റ് മേലുദ്യോഗസ്ഥര്‍ക്കും ഗംഭീര്‍ പരാതി നല്‍കിയിരുന്നു.

ക്രിക്കറ്റ് താരമായ ഗംഭീര്‍ 2018ലാണ് ക്രിക്കറ്റിൽ‌ നിന്ന് വിരമിക്കുന്നത്. പിന്നീട് 2019ല്‍ കിഴക്കന്‍ ഡല്‍ഹിയില്‍ നിന്നും ബി.ജെ.പി സ്ഥാനാര്‍ത്ഥിയായി ലോകസഭാംഗമായി തെരഞ്ഞെടുക്കപ്പെട്ടു.

LEAVE A REPLY

Please enter your comment!
Please enter your name here