Home Uncategorized ബിജെപിയുമായി സഹകരിച്ചു മുന്നോട്ടുപോകുമെന്ന് പി.സി. ജോര്‍ജ്

ബിജെപിയുമായി സഹകരിച്ചു മുന്നോട്ടുപോകുമെന്ന് പി.സി. ജോര്‍ജ്

കോട്ടയം : ബിജെപിയുമായി സഹകരിച്ചു മുന്നോട്ടുപോകുമെന്ന് സ്ഥിരീകരിച്ച് പി.സി. ജോര്‍ജ് എംഎല്‍എ.
നിയമസഭയില്‍ ഒ.രാജഗോപാലിനൊപ്പം പ്രത്യേക ബ്ലോക്കായി ഇരിക്കാനാണ് തീരുമാനം. ബിജെപി സംസ്ഥാന അധ്യക്ഷന്‍ പി.എസ്. ശ്രീധരന്‍ പിള്ളയുമായി പി.സി. ജോര്‍ജ് ഇത് സംബന്ധിച്ച് ചര്‍ച്ച നടത്തി. ജനപക്ഷം ഇടതുപക്ഷവുമായുള്ള പ്രാദേശികമായ ബന്ധം അവസാനിപ്പിച്ചതിനു തൊട്ടുപിന്നാലെയാണ് ബിജെപിയുമായി നിയമസഭയിലും സഹകരിക്കാന്‍ ധാരണയായത്.


എന്നാല്‍ ബിജെപിയുമായുള്ളത് നീക്കുപോക്കുകള്‍ മാത്രമാണെന്നും ബിജെപിയില്‍ ചേരുമെന്നല്ല അതിന് അര്‍ഥമെന്നും ജനപക്ഷം എന്ന പ്രസ്ഥാനം ജനങ്ങള്‍ക്കൊപ്പം നില്‍ക്കുമെന്നും പി.സി. ജോര്‍ജ് വാര്‍ത്താസമ്മേളനത്തില്‍ പറഞ്ഞു.
ബിജെപിക്കാര്‍ കുഴപ്പക്കാരാണെന്ന് തോന്നിയിട്ടില്ല. കോണ്‍ഗ്രസ് – സിപിഎം വോട്ട് കച്ചവടം നിര്‍ത്തുകയാണ് ജനപക്ഷത്തിന്റെ ലക്ഷ്യം. നിയമസഭയില്‍ തനിക്കു സഹകരിക്കാന്‍ കഴിയുന്നത് ഒ. രാജഗോപാലുമായി മാത്രമാണ്. എല്ലാ പാര്‍ട്ടികളുമായും സഖ്യത്തിനു ശ്രമിച്ചു. പ്രതികരിച്ചത് ബിജെപി മാത്രമാണ്. ബിജെപിയില്‍ ചേരില്ല, സഹകരണം മാത്രമാണുണ്ടാവുക. പിണറായി വിജയന്റെയത്ര വര്‍ഗീയവാദികളല്ല ബിജെപിക്കാരെന്നും ജോര്‍ജ് പരിഹസിച്ചു.
കോണ്‍ഗ്രസിനോടും ബിജെപിയോടും ജനപക്ഷത്തിന് ഇപ്പോള്‍ തുല്യ അകലമാണ്. ലോക്‌സഭാ തിരഞ്ഞെടുപ്പു വരുമ്പോള്‍ മുന്നണി ബന്ധത്തെക്കുറിച്ചു തീരുമാനമെടുക്കുമെന്നും ജോര്‍ജ് പറഞ്ഞു

LEAVE A REPLY

Please enter your comment!
Please enter your name here